Këngëtari kosovar Yll Limani ka shprehur mirënjohjen e tij ndaj adhuruesve pas koncertit të suksesshëm që mbajti në Prishtinë mbrëmë.

Në një story në Instagram, ai ka shkruar: “S’kom fjalë përgjithmonë mirënjohës”, duke falënderuar fansat që i dhanë mbështetje dhe i dhanë një ngrohtësi të jashtëzakonshme gjatë shfaqjes.

Koncerti i djeshëm ishte një ngjarje e veçantë për Yll Limanin, pasi ky ishte koncerti i parë i llojit të tij, i kushtuar ekskluzivisht karrierës së tij muzikore. Aty u mblodh një numër i madh njerëzish, duke përfshirë adhurues të këngëtarit, por edhe kolegë të tij nga bota e muzikës.

Për shkak të interesimit të jashtëzakonshëm nga ndjekësit e tij, biletat për koncertin u shitën brenda 24 orëve, duke treguar një mbështetje të fortë për Yllin.

Si pasojë e kësaj kërkese të madhe, këngëtari ka vendosur të mbajë një natë të dytë koncerti më 28 dhjetor, duke ofruar mundësinë për të gjithë ata që nuk arritën të ishin pjesë e natës së parë.

Ky koncert i Yll Limanit është një tjetër hap i rëndësishëm në karrierën e tij, duke konsoliduar më tej pozitën e tij si një nga artistët më të dashur dhe më të suksesshëm të muzikës kosovare dhe shqiptare.